Sunday, November 17, 2013

चलव चलव मतदान करे बर

अरुण कुमार निगम

चलव चलव मतदान करे बर
अपन भाग निरमान करे बर

चमक-धमक के बीच मा संगी   
हीरा के पहिचान करे बर
चलव चलव मतदान करे बर

साभिमान ला अपन जगावव  
संविधान के मान करे बर
चलव चलव मतदान करे बर

अपन गाँव के धुर्रा-माटी,
पथरा, सोनाखान करे बर
चलव चलव मतदान करे बर

छत्तीसगढ़ के नाव ला भइया
भरे कटोरा धान करे बर
चलव चलव मतदान करे बर

अरुण कुमार निगम

आदित्य नगर, दुर्ग (छत्तीसगढ़)

No comments:

Post a Comment

Pages

Followers